FES yetkilisi: Faiz dərəcələrinin artırılması təxirə salınmamalıdır
FES yetkilisi: Faiz dərəcələrinin artırılması təxirə salınmamalıdır
Amerika Mərkəzi Bankının yetkililəri arasında faiz artımı ilə bağlı fikirayrılığı dərinləşməkdədir.
Oxu.Az xəbər verir ki, FES-in Cleveland rəhbəri Loretta Mester inflyasiyaya dair gözləntilərin özünü doğrultmamasının faiz artımına gedilməməsinə səbəb olması ilə razılaşmadığını deyib.
Onun fikrincə, faiz artımları zəif inflyasiyaya rəğmən davam etməlidir.
Xatırladaq ki, ötən gün ABŞ Mərkəzi Bankının Federal Açıq Bazar Komitəsinin (FOMC) iyul ayında keçirilən toplantısının protokolları dərc olunub.
Protokollar FOMC üzvlərinin faizlərin nə vaxt artırılacağı istiqamətində ortaq fikrə gələ bilmədiyini göstərib. Baş verən fikir ayrılığının ən böyük səbəbi isə inflyasiya səviyyəsinin aşağı qalması olub.
İclasda bəzi FES rəsmiləri inflyasiya səviyyəsinin aşağı qalması istiqamətində narahatlıqlarını ifadə ediblər. Bir qismi isə inflyasiya risklərinin aşağı istiqamətli ola biləcəyini irəli sürüb.
FES-in növbəti iclası 19-20 sentyabr tarixlərində keçiriləcək.
L.Ə.