AÇG platformasında ilk neft hasilatına 2023-cü ildə başlanacaq
AÇG platformasında ilk neft hasilatına 2023-cü ildə başlanacaq
Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar bloku üzrə imzalanan yeni saziş çərçivəsində quraşdırılacaq yeni platformadan ilk neft hasilatına təxminən 2023-cü ildə başlanacaq.
Oxu.Az Report-a istinadən xəbər verir ki, bu barədə SOCAR-dakı mənbə bildirib.
O qeyd edib ki, yekun investisiya qərarının 2019-cu ildə qəbul edilməsi gözlənilir. Onun sözlərinə görə, yeni platforma “Mərkəzi-Şərqi Azəri” plaforması adlandırılacaq.
Xatırladaq ki, AÇG yataqlar blokunun birgə işlənməsi və hasil olunan neftin pay şəklində bölüşdürülməsi haqqında (PSA) saziş 1994-cü il sentyabrın 20-də imzalanıb. AÇG layihəsində BP (operator – 35,8%), SOCAR (11,6%), "Chevron" (11,3%), "Inpex" (11%), "Statoil" (8,6%), "ExxonMobil" (8%), TPAO (6,8%), "Itochu" (4,3%), "ONGC Videsh Ltd." (OVL, 2,7%) şirkətləri iştirak edir.
L.Ə.