16 
Okt
2017
16:41
27
134
1782
Virtual karabakh

AMEA prezidenti: Biznes elmə vergi versin

16 Okt, 2017
16:41
1782

AMEA prezidenti: Biznes elmə vergi versin

Bizim WhatsApp kanalımıza buradan abunə ola bilərsiniz

Azərbaycan Milli Elmlər Akademiyası (AMEA) biznes strukturlarına elmin inkişafı üçün maliyyələşməni üzərinə götürməyi və buna görə vergi ödəməyi təklif edib.

Oxu.Az APA-ya istinadən xəbər verir ki, AMEA-nın prezidenti Akif Əlizadə bildirib ki, hər bir ölkədə biznes elmin maliyyələşməsinin yarısını üzərinə götürür.

Onun sözlərinə görə, büdcə elmin inkişaf maliyyəsini tam ödəmir və biznes bu sahənin inkişafı üçün maliyyəni öz öhdəsinə götürməlidir: “Hesab edirik ki, bu gün dövlətimizdə biznes o qədər də yekdil deyil. Amma hər bir halda biznes strukturları elmə bir qədər daha çox diqqət etsələr, bu sahənin inkişafına böyük təkan verə bilər. Biznes bu gün dövlətə vergi verir, bir az da elmə vergi versin. Gərək vergilər naziri Fazil Məmmədovla danışıb bu istiqamətdə bir yol taparaq, qanunvericilikdə dəyişiklik edək. Verginin məbləğini 0,1 faizlə başlaya bilərik. Sonradan bunun elmə göstərdiyi təsirlərə baxaraq, qərarlar vermək olar. Hər halda bu yol da həyata keçməlidir. Çünki bizim daima dövlətdən ayrılan maliyyənin, maaşımızın artırılması barədə xahiş etməyimiz doğru yol deyil. Bunun yolu mənbənin cəm istiqamətdən alınmasıdır”.

A. Əlizadə qeyd edib ki, Azərbaycanda elmi inkişaf etdirmək üçün respublika məqsədli elmi proqramlar təşkil olunmalıdır. Onun sözlərinə görə, bu proqramlar çərçivəsində alimlərin hamısı birləşməlidir: “Kim elmdə ayrı-ayrı çıxış edəcəksə, çətinlik çəkəcək. Bu gün akademiyada olan tövsiyələrə riayət edərək, riyaziyyatçılar, biofiziklər, bioloqlar, tibb istiqamətində olan sahələr birləşərək, sensor biologiya istiqamətində yeni bir proqram təklif edirlər. Bu da onu göstərir ki, təbiət yekdil olduğu kimi, onu tədqiq edən elm sahəsinin inkişafı da də cəm halında olmalıdır”.

E.Ə.
www.oxu.az

Bizimlə əlaqə saxlayın

Digər İqtisadiyyat xəbərləri