"Total" rəhbəri: Neft hasilatının azaldılması ilə bağlı müddət uzadılmalıdır
"Total" rəhbəri: Neft hasilatının azaldılması ilə bağlı müddət uzadılmalıdır
OPEC və ona daxil olmayan ölkələr (OPEC+) neft hasilatının azaldılması ilə bağlı 2018-ci ilin mart ayının sonunda bitən anlaşmanı ən azı 2018-ci ilin sonuna qədər uzatmalıdır.
Oxu.Az xəbər verir ki, bu barədə Report RİA Novosti-yə istinadən məlumat yayıb.
Fransanın "Total" şirkətinin rəhbəri Patrik Puyanne (Patrick Pouyanne) bildirib ki, OPEC+ anlaşmasının effektivliyini istəyiriksə, o zaman anlaşma ən az 2 il davam etməlidir: "3-4 il ərzində neft bazarında ehtiyatların artıqlığı müşahidə olunursa, neft bazarının sabitləşməsi üçün zaman lazım olur".
"Total" rəhbəri qeyd edib ki, neft bazarında tədricən sabitləşmə gedir.
Qeyd edək ki, OPEC+ anlaşmasının iştirakçısı olan ölkələrin nazirlər səviyyəsində növbəti sammiti noyabrın 29-da Vyanada keçiriləcək.
L.Ə.