Dek
2018
09:40
10
51
3837
Virtual karabakh

Avtomobil krediti üzrə risk limitləri təsdiqləndi

Maliyyə Bazarlarına Nəzarət Palatası (MBNP) bir borcalan və ya bir-biri ilə əlaqədar borcalanlar qrupu üzrə kredit risklərinin tənzimlənməsinə prudensial nəzarəti gücləndirir.

Oxu.Az xəbər verir ki, “Bir borcalan və ya bir-biri ilə əlaqədar borcalanlar qrupu üzrə kredit risklərinin tənzimlənməsi haqqında Qaydalar”a əsasən, I dərəcəli kapitalın 10%-dən çox olan məbləğdə təminatsız kreditin və ya I dərəcəli kapitalın 25%-dən çox olan məbləğdə təminatlı kreditin verilməsi riskdir.

Bir borcalana və ya bir-biri ilə əlaqədar borcalanlar qrupuna bankın I dərəcəli kapitalının 25%-dən çox olan məbləğdə verilən təminatlı və təminatsız məcmu kreditlər də iri kredit riski hesab olunur.

Bankın bir borcalanının avtomobil krediti üzrə kredit riskinin maksimum miqdarı aşağıdakı kimi müəyyən olunur: 

kreditin rəsmiləşdirilməsi anında istehsal tarixi bir il və bir ildən az olan avtomobil nəqliyyatı vasitəsinin qiyməti 30 min manatdan artıq olduqda KTN əmsalı (kreditin təminata olan nisbəti) 60%-dən çox olmamalıdır; 

kreditin rəsmiləşdirilməsi anında istehsal tarixi bir il və bir ildən az olan avtomobil nəqliyyatı vasitəsinin qiyməti 30 min manat və ya ondan az olduqda KTN əmsalı 50%-dən çox olmamalıdır; 

avtomobil nəqliyyatı vasitəsinin qiymətindən asılı olmayaraq, kreditin rəsmiləşdirilməsi anında istehsal tarixi bir ildən çox olan avtomobil nəqliyyatı vasitələri üzrə KTN əmsalı 20%-dən çox olmamalıdır.

Qaydalar 29 dekabr 2018-ci il tarixindən qüvvəyə minəcək.

İlhamə Abdullayeva
www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar

www.oxu.az

ANDROID əməliyyat sistemli smartfonlar

iOS əməliyyat sistemli smartfonlar

Bizimlə əlaqə saxlayın

Digər İqtisadiyyat xəbərləri