500-lük avro dövriyyədən çıxarılır - SƏBƏB
500-lük avro dövriyyədən çıxarılır - SƏBƏB
Avronun 500-lük əskinası Avropa Mərkəzi Bankı (ECB) Şurası tərəfindən verilən qərarla tədavüldən çıxarılır.
Oxu.Az xəbər verir ki, 2019-cul il yanvarın 26-da on yeddi Avropa ölkəsi tərəfindən 500-lük əskinas tədavüldən çıxarılacaq.
Yalnız Almaniya ilə Avstriyada tədavül müddəti 2019-cu il, aprelin 26-dək uzadılıb.
500 avroluq əskinasların dövriyyədən çıxarılmasının ən mühüm səbəbi terrorla mübarizə aparmaq kimi göstərilib. Çünki bu valyuta terror təşkilatları və saxta pul hazırlayanlar tərəfindən tez-tez istifadə edilir.
Bu faktlar isə ona inamı sarsıtdığından Avrozonanın iştirakçıları əskinas seçimində 500 avronu istəmirlər. Avronun 5, 10, 20, 50, 100 və 200-lük əskinasları yenilənərək təhlükəsizlik parametrləri daha etibarlı vəziyyətə çatdırılıb.
Məlumat üçün qeyd edək ki, 500 avroluq əskinas 2002-ci ildə buraxılıb və 16 il idi ki, tədavüldə idi.
Oxu.Az yeniləndi!