“Azerspace-1” ilə yayımlanan telekanalların sayı 100-ə çatıb
“Azerspace-1” ilə yayımlanan telekanalların sayı 100-ə çatıb
Bizim peykdən Gürcüstan və Ukrayna da istifadə edir.
Azərbaycanın ilk telekommunikasiya peyki – “Azerspace-1” üzərindən yayımlanan telekanalların sayı artıb.
Oxu.Az xəbər verir ki, Rabitə və Yüksək Texnologiyalar Nazirliyindən verilən məlumata görə, cari ilin iyul ayının 1-nə artıq peyk üzərindən 100-ə yaxın televiziya və 20-dək radio kanalı yayımlanmaqdadır.
Rusiyanın bir sıra televiziya kanalı Azərbaycanın ilk milli peyki “Azerspace 1/Africasat 1A” üzərindən yayıma başlayıb.
Milli peyk üzərindən açıq yayıma başlayan kanallar “A-One”, “Европа Плюс ТВ”, “Карусель +0”, “Life News”, “МИР-24”, “Москва. Доверие”, “Мульт +0”, “Пятница +0”, “РЕН +0”, “РУ-ТВ”, “СТС +0”, “ТВ3 (Россия) +0”, “Звезда +0” artıq 11015 H 30000 5/6 transponderində özünə yer edib.
Qeyd edək ki, “Azerspace 1/Africasat 1A” üzərindən yerli kanallarla yanaşı, Gürcüstan, Ukrayna televiziya kanallarının yayımı həyata keçirilir.
Gülnarə Zeynalova
www.oxu.az