“Aztelekom” xaricdən borc alıb
“Aztelekom” xaricdən borc alıb
“Bu, yaxşı faizdir, onunla işləmək olar”.
“Aztelekom” İstehsalat Birliyi genişzolaqlı şəbəkəyə əlavə 100 min abonentin qoşulmasının təmin edilməsi üçün İngiltərədə yerləşən kredit təşkilatlarının birindən 13 milyon avro kredit cəlb edib.
Oxu.Az Marja-ya istinadən xəbər verir ki, bunu Rabitə və Yüksək Texnologiyalar Nazirliyində 2014-cü ilin 6 ayının yekunları ilə bağlı keçirilmiş kollegiya iclasında nazir Əli Abbasov bildirib.
“Bu yaxınlarda “Aztelekom” özünün genişzolaqlı şəbəkəsinə əlavə 100 min abonentin qoşulması üçün bir proqram təqdim etdi. Həmin vaxt araşdırdıq, 15%-dən aşağı kredit götürmək olmurdu. Nəhayət, “Aztelekom” İngiltərədə ucuz kredit verən təşkilatı tapdı və həmin təşkilatdan illik 6% dərəcəsi ilə 13 milyon avro krediti aldılar. Bu, yaxşı faizdir, onunla işləmək olar”.