SOCAR 3D seysmik-kəşfiyyatını davam edir
SOCAR 3D seysmik-kəşfiyyatını davam edir
İşlər “Qazanbulaq-Ziyadxan” sahəsində aparılır.
Geofizika və Geologiya İdarəsinin “Kəşfiyyatgeofizika” İstehsalat Bölümü “Azneft” İstehsalat Birliyinin sifarişi əsasında “Qazanbulaq-Ziyadxan” sahəsində 3 D seysmik kəşfiyyat işlərini uğurla davam etdirir.
Oxu.Az xəbər verir ki, SOCAR-dan verilən məlumata görə, işlər “Qazanbulaq-Ziyadxan” sahəsinin geoloji quruluşunun dəqiqləşdirilməsi və karbohidrogenlərin yayılma arealının müəyyənləşdirilməsi, zonanın neft-qazlılıq perspektivliyinin öyrənilməsi məqsədi daşıyır. Əldə ediləcək yeni məlumatlar axtarış-qazma işlərinin düzgün istiqamətləndirilməsinə şərait yaradacaqdır.
Gəncə neftli-qazlı rayonunda yerləşən 100 kvadrat kilometrlik həmin sahədə işlərin artıq 85 faizi yerinə yetirilib. Seysmik-kəşfiyyat işlərinin gələn ay başa çatdırılması nəzərdə tutulur. Çöl işləri zamanı əldə ediləcək materiallar emal və interpretasiya olunacaqdır.
Gülnarə Zeynalova
www.oxu.az