Azərbaycan neftinin qiyməti dörd dollar artıb
Azərbaycan neftinin qiyməti dörd dollar artıb
Azərbaycanın “Azeri Light” markalı xam neftinin bir barelinin həftə ərzində orta qiyməti 84,09 ABŞ dolları təşkil edib.
Oxu.Az-ın məlumatına görə, bu həftə ərzində neftin bir barelinin orta qiyməti ötən həftə ilə müqayisədə 4,10 ABŞ dolları qədər və ya 5,13 faiz artıb.
Həftə ərzində neftin bir barelinin orta qiymətinin ən yüksək həddi 5 oktyabr tarixində qeydə alınıb və 85,15 ABŞ dollarına bərabər olub. İlin əvvəlindən ilk dəfədir ki, “Azeri Light” markalı neftin qiyməti 85 dollarlıq baryeri aşıb.
Bu həftə ərzində Azərbaycan neftinin qiymətinin ən aşağı həddi isə 6 oktyabr tarixində qeydə alınıb və 83,17 ABŞ dolları təşkil edib.
Xatırladaq ki, ötən həftə ərzində “Azeri Light” markalı neftin bir barelinin orta qiyməti 79,99 ABŞ dollarına bərabər olub.
Nigar Məmmədova