11 ayda 48,7 ton yararsız ərzaq məhsulları məhv edilib
11 ayda 48,7 ton yararsız ərzaq məhsulları məhv edilib
Maarifləndirmə mühüm əhəmiyyət daşıyır.
Bu ilin yanvar-noyabr ayları ərzində mənşəyi məlum olmayan, yararlılıq müddəti ötmüş, etiketlənməsi, keyfiyyət və təhlükəsizlik göstəriciləri normativ sənədlərin tələblərinə uyğun olmayan 48,7 ton ərzaq malları qanunamüvafiq qaydada satışdan çıxarılaraq məhv edilib.
Oxu.Az xəbər verir ki, bu sözləri bu gün İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəis müavini Araz Əliyev Şabranda keçirilmiş tədbir zamanı bildirib.
Araz Əliyev istehlakçıların hüquqlarının müdafiəsi sahəsində maarifləndirmənin mühüm əhəmiyyət daşıdığını qeyd edərək bildirib ki, “2014-cü ilin əvvəlindən ötən dövr ərzində istehlakçıların maarifləndirilməsi tədbirləri çərçivəsində 16 adda 83 min buklet, sahibkarların istehlakçıların hüquqlarının qorunması sahəsində vəzifələrinə dair 6 adda 6 mindən artıq yaddaş kitabçası hazırlanaraq vətəndaşlara paylanılıb.