SOCAR qaz hasilatını azaltdı

Şirkət 2015-ci ilin I rübünün göstəricilərini açıqladı.

SOCAR 2015-ci ilin I rübündə 1 milyard 669,7 milyon kubmetr qaz hasil edib ki, bu da 2014-cü ilin müvafiq dövrünün göstəricisindən 16,4% azdır.

Oxu.Az SOCAR-a istinadən xəbər verir ki, 2015-ci ilin yanvar ayında Dövlət Neft Şirkəti 570.2 milyon kubmetr, fevral ayı üzrə 519.1 milyon kubmetr, mart ayı üzrə isə 580.4 milyon kubmetr qaz hasil edilib.

Bundan başqa, 2015-ci ilin mart ayında Azərbaycan üzrə qaz hasilatı 2 milyard 589.4 milyon kubmetr olub.

Ümumilikdə isə 2015-ci ilin  ilin I rübündə Azərbaycan üzrə 7 milyard 415,6 milyon kubmetr qaz hasil olunub ki, bu da 2014-cü ilin analoji dövrünün göstəricisindən 3,5% azdır.

Ülviyyə R. Əli
www.oxu.az