Azərbaycanda nə qədər smartfon istifadə olunur? – REYTİNQ

Videooyunlar bazarını araşdıran “Newzoo” beynəlxalq tədqiqat şirkəti bu ilin aprel ayınadək Ukraynada 19 milyon nəfər smartfon istifadəçisi olduğunu bildirib. 

Oxu.Az xəbər verir ki, Lent.az-ın “iLenta.com” saytına istinadən məlumatına görə, bu, Ukraynaya ümumilikdə dünya üzrə smartfon istifadəçilərinin sayına görə TOP-50 reytinqində 38-ci yeri tutmağa imkan verib.

Adıçəkilən reytinqə Çin başçılıq edir. Bu ölkədə 717 milyondan çox smartfon istifadəçisi mövcuddur. 

Onun ardınca isə Hindistan gəlir. Bu ölkədə 300 milyon smartfon istifadəçisi var. TOP-5-liyə, həmçinin Rusiya da daxil olub ki, orada smartfon istifadəçilərinin sayı 78 milyon nəfərə çatıb.

Reytinq tərtib edilən zaman ölkənin iqtisadi inkişafı, demoqrafik vəziyyəti, internet istifadəçilərinin taleyi və gəlirlərin fərqləndirilməsi nəzərə alınıb. 

Fəal istifadəçilərə, həmçinin ayda ən azı bir dəfə olmaqla smartfon istifadə edənləri də daxil ediblər.

Türkiyə 40 milyon nəfər göstərici ilə 12-ci, İran 30 milyon nəfər göstərici ilə 16-cı, Azərbaycan 6,6 milyon nəfər göstərici ilə 48-cidir. 

Ölkəmizdən başqa bu reytinqdə MDB ölkələrindən yalnız Rusiya, Ukrayna və Qazaxıstan yer alıb.

Eyni zamanda, “NewZoo” videooyunlar bazarını da qiymətləndirib. Burada internet auditoriyasının həcmi və əhalinin sayı da nəzərə alınıb.

Ukrayna bu reytinqdə 43-cü yeri tutub. İlk yeri, smartfonlarla bağlı olan reytinqdə olduğu kimi, yenə də Çin tutur. Onun videooyunlardan əldə etdiyi gəlirlər 27,5 milyard dollar təşkil edir.  

U.A.
www.oxu.az