Zükerberq şəhər salacaq

“Facebook”un yaradıcısı Mark Zükerberq şirkətin ABŞ-ın Kaliforniya ştatında yerləşən mərkəzi ətrafında 1500 mənzilin yerləşəcəyi “mini şəhər”in salınacağını bildirib. 

Oxu.Az Hurriyet-ə istinadən xəbər verir ki, Silikon vadisində yaradılacaq “mini şəhərdə” evlərlə yanaşı, ofis və mağazalara da olacaq. 

33 yaşlı iş adamı əsas məqsədinin əməkdaşlarının daha rahat olması və daha az pul xərcləməsi üçün şərait yaratmaq olduğunu bildirib. 

Qeyd edilib ki, layihə 2 il ərzində başa çatdırılacaq və burada, sadəcə, “Facebook” əməkdaşları deyil, arzu edən hər kəs ev ala biləcək. Bununla yanaşı, evlərin əmlak bazarındakı qiymətlərdən 15 faiz ucuz olacağı da bildirilib.  

S.S.
www.oxu.az