11 
Sen
2017
12:05
77
10
2820
Virtual karabakh

İctimai rəyin yeni ünvanı: "Milli Sorğu Mərkəzi"

11 Sen, 2017
12:05
2820

İctimai rəyin yeni ünvanı: "Milli Sorğu Mərkəzi"

Bizim WhatsApp kanalımıza buradan abunə ola bilərsiniz

Bu gündən Azərbaycanın internet məkanında yeni layihəyə start verilir.

Oxu.Az AzNews.az-a istinadən xəbər verir ki, bu, ölkə üçün yenilik olan internet resursudur.

www.sorgu.az ünvanında yerləşən “Milli Sorğu Mərkəzi” ictimai fikrin öyrənilməsi yolu ilə siyasi, sosial və marketinq araşdırmaları aparacaq. Araşdırmalar Mərkəzin internet saytında yerləşdiriləcək və illik, yarımillik, dövri hesabatlar ictimaiyyətə təqdim olunacaq.

Mərkəzin qarşısına qoyduğu əsas məqsəd sorğular vasitəsilə cəmiyyəti narahat edən sualların və problemlərin cavablarının tapılmasına kömək göstərməkdir.

Bundan əlavə, “Milli Sorğu Mərkəzi” istifadəçilərin istəklərinə uyğun olaraq, internet səhifəsində petisiyalar da yerləşdirəcək. Qəbul edilən petisiyalar ünvanlanan şəxsə və ya qurumlara çatdırılaraq toplumun istəyinin reallaşmasına vasitəçilik edəcək.

“Milli Sorğu Mərkəzi” Kütləvi İnformasiya Vasitələrini və QHT-ləri də əməkdaşlığa dəvət edir. Belə ki, mərkəz KİV-lərin və QHT-lərin istəklərinə uyğun olaraq, onların həyata keçirdiyi araşdırmalar üçün lazımi sorğular keçirməyə hazırdır.

Sorğu Mərkəzi biznes üçün də yararlı ola bilər. Marketinq araşdırmaları istiqamətində sifarişçinin arzu və istəklərinə uyğun olaraq istənilən sahədə sorğular keçirərək, nəticələr əsasında xüsusi konsepsiyalar hazırlamaq da mümkündür.

A.M.

www.oxu.az

Bizimlə əlaqə saxlayın

Digər İKT xəbərləri