Yer kürəsinin stratosferdən görüntüsü yayıldı – VİDEO

Sosial şəbəkələrdə Yer kürəsinin 30 kilometr hündürlükdən çəkilmiş görüntüləri yayılıb.

Oxu.Az Mirror nəşrinə istinadən xəbər verir ki, ABŞ-ın Kaliforniya ştatının Denver şəhər sakini stratosferə heliumla doldurulmuş xüsusi hava şarı göndərib. Şara GoPro kamerası və GPS bərkidilib. 

Hava şarı 30 kilometr hündürlükdən Yer kürəsinin bir hissəsini çəkib.

Qeyd edək ki, meteoroloji şarlar hava proqnozlarının tərtibi və hərbi məqsədlərlə istifadə olunur. Belə qurğular 40 kilometr hündürlüyə qədər qalxa bilirlər. Lakin bu yüksəklikdə şarlar güclü təzyiqə davam gətirə bilmirlər. 

S.B.
www.oxu.az