Dünyanın ən hündür heykəli açıldı
Dünyanın ən hündür heykəli açıldı
Hindistanın Qucarat ştatında dünyanın ən hündür abidəsi sayılan “Birlik” heykəlinin təntənəli açılışı olub.
Oxu.Az xəbər verir ki, açılış mərasimi NDTV telekanalı vasitəsilə yayımlanıb.
Heykəltaraşlar abidə üzərində Hindistan milli azadlıq hərəkatının lideri Mahatma Qandinin ardıcıllarından biri olan Vallabxai Patelin obrazını əbədiləşdiriblər.
Lead story now on https://t.co/Fbzw6n8LeF: https://t.co/y0IVqhFOj8#NDTVLeadStory pic.twitter.com/OjrrEB9RdB
— NDTV (@ndtv) October 31, 2018
Abidənin hündürlüyü 182 metrdir. O, ABŞ-dakı “Azadlıq” heykəlindən (93 metr) təxminən 2 dəfə hündürdür.
Heykəlin hazırlanmasına 5 il əvvəl - 2013-cü il oktyabrın 31-də başlanılıb.
Rəsmi məlumatlara görə, layihənin icrasında 250 mühəndis və 3400 işçi çalışıb. Abidə ümumilikdə 430 milyon dollara başa gəlib.