17 
Sen
2017
16:52
81
64
2496
Virtual karabakh

İnsan saçlarından gübrə hazırlandı

17 Sen, 2017
16:52
2496

İnsan saçlarından gübrə hazırlandı

Bizim WhatsApp kanalımıza buradan abunə ola bilərsiniz

Hindistanın Kerala Kənd Təsərrüfatı Universitetinin alimləri insan saçlarından ətraf mühit üçün zərərsiz maye gübrə hazırlayıblar.

Oxu.Az Azərbaycan Milli Elmlər Akademiyasının saytına istinadla xəbər verir ki, ilkin çöl tədqiqatları zamanı müsbət nəticələr əldə edilib. Xammal qismində yerli bərbərxanalardan əldə edilən saçlar yuyulduqdan sonra qızdırılaraq tünd substansiya vəziyyətinə çatdırılıb. Aparılan analizlər insan saçlarının azot, fosfor, kalium, kalsium, maqnezium və kükürdlə zəngin olduğunu göstərib.

Tədqiqatlar zamanı saçlardan hazırlanmış mayenin sintetik gübrələrlə müqayisədə bitkiləri daha tez inkişaf etdirdiyi məlum olub. Yeni gübrə növü kimyəvi gübrələrdən istifadəni azaldacaq, həmçinin Hindistanın sutəmizləyici sistemlərində ciddi problemlərə səbəb olan insan saçlarının utilizasiyasına imkan yaradacaq.

Yeni gübrənin hazırlanmasında insan saçları ilə yanaşı, heyvandarlıq tullantılarından – lələk, yun və buynuzlardan da istifadə edilməsi nəzərdə tutulub.

A.M.

www.oxu.az

 

Bizimlə əlaqə saxlayın

Digər Maraqlı xəbərləri