“Telegram”dan yenilik: Ovuc şəklinə görə PUL ÖDƏYƏCƏK

“TON Society” süni intellekt həllərinin işlənib hazırlanmasında ixtisaslaşan “HumanCode” şirkəti ilə birlikdə “Telegram” istifadəçiləri üçün biometrik autentifikasiyanı inteqrasiya edir.

Bu barədə TON bloqunda xəbər verilib.

Bildirilir ki, bu əməkdaşlığın əsas məqsədi innovativ biometrik yoxlama sisteminin yaradılması və tətbiqidir. Yenilik “Telegram” istifadəçilərinə ovuc izlərini skan edərək şəxsiyyətlərini təsdiq etməyə imkan verəcək.

Texnologiyanın yaxın beş il ərzində istifadəyə veriləcəyi gözlənilir. Bu təşəbbüs təkcə asan identifikasiya üçün deyil, həm də botlarla mübarizə üçün hazırlanır.

Bildirilir ki, texnologiya kriptovalyutaların “Airdrop” və əməliyyat təhlili kimi yüksək orijinallıq və məxfilik tələb edən əməliyyatlarda əsas rol oynayacaq.

Tərtibatçıların sözlərinə görə, funksiya bütün cihazlara uyğun olacaq və istənilən dəri rəngini tanıya biləcək.

Şirkətdən bildirilib ki, ovuclarını skan edən icma üzvlərinə 1 milyon “Tonkoin” ödəniləcək.

Mənbə: Gazeta.ru