Yan
2019
00:15
23
491
14885
Virtual karabakh

Abid Şərifov: Əvvəldən xasiyyətim belədir

7 Yan, 2019
00:15
14885

Abid Şərifov: Əvvəldən xasiyyətim belədir

Bizim WhatsApp kanalımıza buradan abunə ola bilərsiniz

Yanvarın 6-da baş nazirin sabiq müavini Abid Şərifovun 79 yaşı tamam olub. A. Şərifov 1995-ci ildən 2018-ci il aprelin 21-dək Azərbaycan Respublikası Baş nazirinin müavini vəzifəsində çalışıb.

Oxu.Az xəbər verir ki, Modern.az saytının əməkdaşı A. Şərifovdan doğum günündə qısa müsahibə alıb.

- Abid müəllim necəsiniz?

- Şükürlər olsun ki, hər şey yaxşıdır. Səhhətim də qaydasındadır. Zənginizə görə xüsusi təşəkkür edirəm. Bu arada sizin Yeni ilinizi də təbrik edirəm, xoşbəxtlik arzu edirəm.

- Qarşılıqlıdır, çox sağ olun! Bu gün sizin doğum gününüzdür, 79 yaşınız tamam olur. Necə qarşılayırsınız növbəti doğum gününüzü?

- Sadə. Dəbdəbəli doğum günləri keçirməyi sevmirəm. İstisna hal yalnız 60 yaşda olub.

- Bir çox həmyaşıdlarınız yaş üstünə yaş gələndə qorxur. Siz də eyni halı yaşayırsınız?

- Qətiyyən... Bircə Allahdan savayı heç vaxt heç nədən qorxmamışam. Bu da bir həyatdır.

- Vəzifədə olanda, təbriklər də fərqli olur. İndi necə, təbrik edənlər varmı? Xüsusən də köhnə dostlarınızdan?

- Hər zaman xalqıma xidmət etmişəm. Ömrüm boyu da xidmət etməyə hazıram. Hər bir insan xalqına, torpağına bağlı olmalı və xidmət etməlidir. Bu, hamımızın borcudur. Qaldı ki, təbrik edənlərə, təbrik etmək istəyənlər zəng edir.

- Bir daha nəyə görə doğum günü keçirməməyinizlə bağlı soruşmaq istərdim. Ola bilərmi ki, bu istəyin olmaması illərlə çalışdığınız işinizdən irəli gəlsin?

- Bunun gərgin işlərlə əlaqəsi yoxdur. Əvvəldən xasiyyətim belədir. Düşünürəm ki, sadəlik daha yaxşıdır.  Heç vaxt “bu gün bunu qeyd edim, sabah başqa bir günü qeyd edim” kimi hallarım olmayıb. O yolun sahibi deyiləm.

- 1995-ci ildən 2018-ci ilədək baş nazirin müavini vəzifəsində çalışmısınız. O illərin xiffətini çəkirsinizmi?

- Qızım, hansı hökumətdə, hansı dövlətdə 23 il eyni vəzifəni icra etmək olar?! Hansı tarixdə bunu oxumusunuz?! 79 yaşımda təqaüdə çıxmışam. 23 il sizə kiçik görünməsin. Ona görə də hər zaman prezidentimə minnətdar olmuşam və indi də minnətdaram. Eyni zamanda, ulu öndərimizin də ruhu şad olsun. Ömrüm boyu ulu öndərimizə borcluyam. Yaşımdan asılı olmayaraq cənab prezidentimin, xalqımın əsgəriyəm. Həmçinin, ailəm də, övladlarım da dövlətçilik yolunda hər şeyə hazırdır.

Bizimlə əlaqə saxlayın

Digər Müsahibə xəbərləri