Azərbaycan Dövlət Teleqraf Agentliyinin sabiq rəhbərinin əşyaları satışa çıxarıldı – FOTO
Azərbaycan Dövlət Teleqraf Agentliyinin sabiq rəhbərinin əşyaları satışa çıxarıldı – FOTO
47 il Azərbaycan Dövlət Teleqraf Agentliyinə (Azerinform) rəhbərlik etmiş Yefim Qriqori Qurviçin medalları, deputat nişanı, bileti və ona aid bir çox sənədlər, təbrik məktubları auksiona çıxarılıb.
Oxu.Az Publika.az-a istinadən xəbər verir ki, Azərbaycan Ali Sovetinin deputatı, Mərkəzi Komitənin üzvü olmuş Yefim Qriqori Qurviçin auksiona çıxarılmış əşyaları sırasında 1951-85-ci illər ərzində Azərbaycan SSR-nin Ali Sovetinin deputatının nişanı və deputat biletləri, 1963-cü il “AZƏRTAC”da (keçmiş “AzTaq”) direktorluq vəsiqəsi, müxtəlif illərdə Kommunist Partiyasının Mərkəzi Komitəsinin üzvlərində namizədin mandatı, SSRİ Jurnalistlər İttifaqının üzvlük bileti, 1977-ci il №7-in “Azərbaycanın Gəncləri” qəzetinin şəhadətnaməsi, Yefim Qriqori Qurviça sovet bayramları münasibətilə Heydər Əliyevin adından imzalanmış təbrik açıqcaları var.
Auksiona çıxarılan əşyaların ümumi qiyməti 1900-2200 dollar arası dəyişir.
Qeyd edək ki, 1936-cı ildən mətbuat sahəsində çalışmış Yefim Qriqori Qurviç 1939-cu ildə Azərbaycan Dövlət Teleqraf Agentliyinə ədəbi işçi vəzifəsinə keçirilib. Demək olar ki, ömrünün sonuna qədər - düz 47 il həmin kollektivdə çalışmışdı. Bunun 40 ilini dövlət agentliyinin direktoru olub.
O, Azərbaycan Jurnalistlər İttifaqının sədr müavini, “Qızıl lələk” mükafatının laureatıdır.
A.M.