Prezident: Azərbaycan Rusiyadan yeni silahların tədarükünə dair danışıqlar aparır

Bakı Moskva ilə yeni silahların tədarükünə dair danışıqlar aparır və yeni müdafiə sistemlərində maraqlıdır. 

Oxu.Az xəbər verir ki, bu barədə RİA Novosti-yə Azərbaycan prezidenti İlham Əliyev Davosda keçirilən beynəlxalq iqtisadi forum zamanı bildirib. 

“Bəli, biz yeni tədarük haqqında danışıqlar aparırıq. Sizə Rusiyanın hərbi sənayesinin nə dərəcədə inkişaf etdiyi məlumdur. Biz əsasən, müasir müdafiə silahlarında maraqlıyıq. Biz helikopter texnikasında və müdafiə sistemində maraqlıyıq. Bu permanent məsələdir”, - o qeyd edib. 

Onun sözlərinə görə, Azərbaycan və Rusiyanın silah sahəsində yeni müqavilələrinin perspektivləri yaxşıdır. 

N.O.
www.oxu.az