17 
İyl
2017
18:20
23
147
676
Virtual karabakh

Nazir: Ermənistan həmsədrlərin regiona səfərindən əvvəl vəziyyəti bilərəkdən gərginləşdirib

“Ermənistan istənilən yolla işğalı davam etdirməyə və status-kvonu saxlamağa çalışır”.

Oxu.Az Report-a istinadən xəbər verir ki, bunu “RİA Novosti”yə verdiyi müsahibəsində Azərbaycanın xarici işlər naziri Elmar Məmmədyarov bildirib.

“Prezidentlərin Sankt-Peterburqdakı danışıqlarından sonra Ermənistan tərəfi substantiv danışıqlar yolu ilə münaqişənin həllinə yol verməmək məqsədi ilə müxtəlif bəhanələrlə təxribatlara əl atmağa davam edir. Hətta danışıqlar prosesinin ciddi davam etdirilməsi üçün erməni tərəfi şərt irəli sürmək istəyir”, - E.Məmmədyarov bildirib.

“Ermənistan bu ilin iyun ayından həmsədrlərin regiona səfəri və xarici işlər nazirlərinin Brüsseldəki görüşündən əvvəl vəziyyəti bilərəkdən gərginləşdirib. Bu il iyulun 4-də Azərbaycanın Füzuli rayonunun Alxanlı kəndində Ermənistan silahlı qüvvələri tərəfindən məqsədyönlü və qabaqcadan düşünülmüş hücum nəticəsində 2 yaşlı qız və onun nənəsi öldürülüb, daha bir qadın yaralanıb. Son hadisələr, o cümlədən ötən ilin aprelində baş verən hərbi toqquşmalar bir daha sübut etdi ki, Azərbaycanın işğal olunmuş ərazilərindən Ermənistan tərəfinin öz silahlı qüvvələrini çıxarmasından imtina etməsi səbəbindən region ciddi təhlükələrlə üz-üzə qalıb”, - XİN başçısı deyib.

Onun sözlərinə görə, Ermənistan istənilən yolla işğalı davam etdirməyə və status-kvonu saxlamağa çalışır.

S.S.
www.oxu.az

Digər Siyasət xəbərləri