Dövlət Departamenti: ABŞ Qarabağ münaqişəsinin tərəfləri ilə aktiv fəaliyyətini davam etdirəcək
Dövlət Departamenti: ABŞ Qarabağ münaqişəsinin tərəfləri ilə aktiv fəaliyyətini davam etdirəcək
ABŞ Ermənistan-Azərbaycan, Dağlıq Qarabağ münaqişəsinin danışıqlar yolu ilə həllini dəstəkləyir və ATƏT-in Minsk qrupunun həmsədri qismində münaqişə tərəfləri ilə aktiv fəaliyyətini davam etdirəcək.
Oxu.Az-ın məlumatına görə, bunu Trend-ə ABŞ Dövlət Departamentinin rəsmi nümayəndəsi deyib.
Onun sözlərinə görə, ABŞ-ın çoxillik siyasəti onunla ifadə olunur ki, ədalətli həll yolu Helsinki Yekun Aktı, güc tətbiq etməmə və ərazi bütövlüyü prinsiplərini özündə ehtiva edən beynəlxalq hüquqa əsaslanmalıdır: "Amma yekun nəticədə sülhə görə məsuliyyət Ermənistan və Azərbaycan prezidentlərinin üzərinə düşür".
O qeyd edib ki, ABŞ və Azərbaycan arasında təhlükəsizlik, iqtisadiyyat və energetika, demokratiya və idarəetmə kimi aspektlərə əsaslanan güclü tərəfdaşlıq mövcuddur.
N.O.