Komitə sədri: Dəyişikliklər vergi aurasını yaxşılaşdıracaq

Milli Məclisin (MM) bu gün keçirilən iclasında Vergi Məcəlləsinə dəyişikliklər layihəsi növbəti dəfə müzakirəyə çıxarılıb.

Oxu.Az-ın xəbərinə görə, MM-in İqtisadi siyasət, sənaye və sahibkarlıq komitəsinin sədri Ziyad Səmədzadə öncə dəyişikliklərlə bağlı müzakirələrdə yaxından iştirak etdiyi üçün nazir Mikayıl Cabbarov başda olmaqla, nazirliyin rəhbərliyinə minnətdarlığını bildirib.

O qeyd edib ki, Məcəlləyə dəyişikliklər əmək münasibətlərində şəffaflığı daha da artıracaq, vergi aurasını yaxşılaşdıracaq:

“Bu dəyişikliklər vergi yükünü deyil, əslində, vergi şəffaflığını artıracaq. Ölkədə iqtisadi inkişafın, biznes mühitinin daha da yaxşılaşdırılmasına, gücləndirilməsinə təkan verəcək. Hansı məsələlər ki, qalıb, onlar da gələcək dövrlərdə həyata keçiriləcək”.

Kamil HƏMZƏOĞLU
www.oxu.az