17 
Yan
2019
11:42
110
84
6007
Virtual karabakh

Litva lideri Qarayevin etimadnaməsini qəbul etdi - FOTO

17 Yan, 2019
11:42
6007

Litva lideri Qarayevin etimadnaməsini qəbul etdi - FOTO

Bizim WhatsApp kanalımıza buradan abunə ola bilərsiniz

Litva prezidenti Daliya Qribauskayte Azərbaycan səfiri Tamerlan Qarayevin etimadnaməsini qəbul edib.

Oxu.Az xəbər verir ki, bu barədə Litva prezidentinin rəsmi saytında məlumat yayılıb.

Görüşdə litvalı lider Azərbaycanın yeni təyin olunmuş səfiri ilə ikitərəfli münasibətləri, iqtisadi əməkdaşlığı, tələbə mübadiləsi, həmçinin, Azərbaycanla Avropa İttifaqı arasında sıx əlaqələrin inkişafı perspektivlərini müzakirə edib.

Qribauskayte bildirib ki, Azərbaycan bir çox sahələrdə ölkənin mühüm tərəfdaşıdır. Xanım dövlət başçısı ölkəsinin Azərbaycanla iqtisadi əlaqələri inkişaf etdirməyə, xüsusilə informasiya texnologiyaları, turizm, qida sənayesi, nəqliyyat, logistika və b. sahələrdə əməkdaşlıq etməyə hazır olduğunu dilə gətirib.

Tamerlan Qarayev Azərbaycan Dövlət Universitetinin məzunudur. 1990-1992-ci illərdə Milli Məclisin vəkili olub. Müxtəlif illərdə Azərbaycanın Çin və Hindistandakı səfiri olub. Vilnüsə göndərilməzdən əvvəl İndoneziya səfirliyinə rəhbərlik edib. Ana dili ilə yanaşı, ingilis, rus və türk dillərində səlis danışır.

Bizimlə əlaqə saxlayın

Digər Siyasət xəbərləri