Aygündən Eltona: Olmaya sən Elton Consan? – VİDEO
Aygündən Eltona: Olmaya sən Elton Consan? – VİDEO
“Sənin nə həddindir ki, sən xalq artistləri haqda bu tonda rəy söyləyirsən?!”.
Xalq artisti Aygün Kazımova müğənni Elton Hüseynəliyevin verilişdəki davranışlarına əsəbiləşərək ona şeir həsr edib.
Oxu.Az xəbər verir ki, o, E.Hüseynəliyevin “ATV Maqazin 10larla” verilişinin “Həftənin hit mahnısı” rubrikasında Eltonun tez-tez xalq artisti Flora Kərimovanın sözünü kəsməsinə sosial şəbəkədə münasibət bildirib:
“Bir bunun davranışına, əl hərəkətlərinə baxın. Flora xanım kimi sənətkarın sözünü ağzında qoyur. Sənin nə həddindir ki, sən xalq artistləri haqda bu tonda rəy söyləyirsən?!”.
A.Kazımova daha sonra E.Hüseynəliyevə həsr etdiyi şeirini paylaşıb:
Sən Eltonsan,
Sən ton tonsan.
Mən bilmirəm
Sən nə ...san.
Utanmırsan?
Kişi olan vücudundan,
O boyundan,
Buxunundan?
Sən sevilən Sənətkara,
Əfsanəvi sənətkarın
Yanındaca
Rəy bildirib,
Donquldanıb,
Tullanırsan.
Şıllaq atıb
Hoppanırsan.
Söz atırsan.
Axı niyə?
Axı kimə?
Zərif, incə xanımlara
Qısqanırsan,
Olmaya sən
Elton Consan???