Nataliya Oreyro əri ilə gərgin münasibətlərindən danışdı - FOTO
Nataliya Oreyro əri ilə gərgin münasibətlərindən danışdı - FOTO
Uruqvaylı aktrisa və müğənni etiraf etdi.
Nataliya Oreyro əri ilə münasibətlərindən səmimi etiraflar edərək özünün haqsız olduğu məqamlara aydınlıq gətirib.
Oxu.Az xəbər verir ki, “Vəhşi mələk” serialından sonra böyük şöhrət qazanan uruqvaylı aktrisa və müğənni ailəsinin bir müddət öncə hər şeyi bərbad edəcək böhranla üzləşdiyindən danışıb.
Cütlüyün münasibətlərində Nataliya və Rikardo Mollonu birləşdirən qığılcım yox idi. Oreyro bu qığılcımı kənarda axtarmağa başlayıb.
KİV-də Oreyronun aktyor Benhamin Vikunya ilə eşq macərası yaşadığı barədə xəbərlər yayılırdı. Aktrisanın bunu inkar etməsinə baxmayaraq, icmalçılar kənarda yaşanan macəradan əmin idilər.
Bunula yanaşı 38 yaşlı Nataliya və 58 yaşlı Rikardo ailədə yaşanan gərginliklərin öhdəsindən gəlməyi bacarıb və Oreyro indi bu ailənni yüksəliş yaşadığını etiraf edib. Ulduz əri ilə xoşbəxt olduğunu, aralarında baş verən problemlərin öhdəsindən gəldiklərini bildirib.
Xatırladaq ki, Nataliya və Rikardo 2001-ci ildə tanış olublar, 2002-ci ildə isə toy ediblər. Cütlük adsız barmaqlarında tatu etdirərək, bir-birinə əbədi məhəbbət sözü verib.
Nataliyanın sözlərinə görə, Rikardo onu dərin depressiyadan çıxararaq, yaşadığı hər günə sevinməyi öyrədib.
İndi cütlük 4 yaşındakı oğullarının tərbiyəsi ilə məşğuldur.