19 
Yan
2017
11:16
27
194
12674
Virtual karabakh

Evlilik verilişindəki azərbaycanlı qızın keçmiş nişanlısından – VİDEOMÜRACİƏT

19 Yan, 2017
11:16
12674

Evlilik verilişindəki azərbaycanlı qızın keçmiş nişanlısından – VİDEOMÜRACİƏT

Bizim WhatsApp kanalımıza buradan abunə ola bilərsiniz

Bir neçə gün əvvəl Türkiyə mətbuatına istinadla Azərbaycan saytlarında “Zuhal Topalla” evlilik proqramının azərbaycanlı iştirakçısı Nazın keçmiş nişanlısı Baha tərəfindən döyülməsi barədə xəbərlər yayılmışdı.

Oxu.Az xəbər verir ki, bundan sonra Naz sosial şəbəkədə azərbaycanlı və türkiyəli jurnalistləri yalan xəbər yazmaqda təhqir edərək Bahanın onun döymədiyini bildirmişdi.

Bu dəfə isə Baha “Instagram” hesabında yayılan xəbərlərə aydınlıq gətirərək sosial şəbəkə izləyicilərinə videomüraciət ünvanlayıb.

Müraciətdə bildirilir ki, “Star” TV-nin “Zuhal Topalla” evlilik verilişində təqdim olunanlar əslində oyundur. O, Nazla bir-birilərini həqiqətən sevdiklərini və may ayında ailə üzvlərinin iştirakı ilə nişanlanmaq istədiklərini və evlənməyi planlaşdırdıqlarını söyləyib. Lakin proqramın əməkdaşları bununla razılaşmayaraq reytinq xatirinə onlardan oyun oynamağı tələb edib və zorla nişan etdirərək cütlüyü sonradan ayırıblar.

Naz üçün gələn bəy namizədi azərbaycanlı model Əli Əkbər də proqrama planlı şəkildə dəvət olunub və bunlar hamısı proqramın yaradıcı heyətinin saxtakarlığıdır. Baha telekanaldan uzaqlaşmaq istədiyini, lakin Nazın telekanalla müqaviləsi olduğu üçün bunu edə bilmədiyini vurğulayıb. O, Nazı sevdiyini və müqavilə bitən kimi evlənəcəklərini bildirib.

Baha studiyada Naza görə məcburi əyləşdiyini və saxta sevgilisi Əli Əkbərlə yayımlanan romantik süjetləri, proqramda baş verənləri izlədikcə xeyli əsəbiləşdiyini və bunlara dözə bilmədiyini bildirib.

Baha döyülmə xəbərləri yayılan gün proqramdan sonra Nazın avtomobilinə əyləşdiyini və birdəfəlik bütün oyunlara son qoyulmasını, proqramdan uzaqlaşıb öz həyatlarını yaşamasını istəyib. Bahanın sözlərinə görə, Naz əsəbi olduğu üçün avtomobildə qışqırmağa başlayıb.

Bundan sonra verilişin mühafizəçiləri Bahanın üzərinə hücum edərək onu döyüblər. Proqramda iştirak edən digər bəy namizədləri - Bahanın dostları ona yardım etmək istəyərkən onlar da fiziki təzyiqə məruz qalıblar və Dəniz adlı iştirakçının avtomobilini isə yararsız vəziyyətə salıblar. Baha hadisə ilə bağlı polis bölməsinə şikayət edib.

O, sonda vurğulayıb ki, Nazın söylədiklərinə inanmayın, çünki müqaviləsi olduğu üçün onların istədiklərini etmək və demək məcburiyyətində qalır.

Aşağıdakı linkə daxil olaraq videomüraciəti bütünlüklə izləyə bilərsiniz:

https://www.instagram.com/bahaselenbasofficial/?hl=ru

Aytən Sadıqzadə
www.oxu.az

Bizimlə əlaqə saxlayın

Digər Şou-biznes xəbərləri