Türkiyənin məşhur aparıcısı Azərbaycana köçür

Türkiyənin tanınmış aparıcsı Özge Uzun Azərbaycana köçür.

Oxu.Az-ın Axşam.az-a istinadən məlumatına görə, Uzun keçmiş həyat yoldaşı “CBC Sport” telekanalının rəhbəri Volkan Üstdən yenidən evlilik təklifi aldıqdan sonra bu qərara gəlib.

Aparıcı bu barədə sosial şəbəkələrdə məlumat yayıb:

“Gedirəm. Tam 20 il əvvəl min bir xəyallarla gəldiyim şəhərə vida edirəm. Yaşadım, nəfəs aldım, nəfəssiz qaldım, güldüm, kefsiz oldum, ağladım, uduzdum, çox qazandım, incidildim, amma incitmədim, tərk edildim, tərk etdim! Arxamda və yanımda yaxşı ürəklər qazandım. Möcüzələrim iki qanadımdır. Yeni bir həyata uçuram”.

Xatırladaq ki, 10 illik evlilikdən cütlüyün iki övladı var.

A.S.
www.oxu.az