Şəbnəm Tovuzlu efirdə ağladı: Anam öləndə hamilə idi – VİDEO
Şəbnəm Tovuzlu efirdə ağladı: Anam öləndə hamilə idi – VİDEO
ARB TV-nin “Gəlin danışaq” verilişinin növbəti qonağı müğənni Şəbnəm Tovuzlu (Əsədova) olub.
Oxu.Az xəbər verir ki, ifaçı efirdə anasının erkən ölümündən danışarkən göz yaşlarına hakim ola bilməyib.
“Mən yaş yarımımda anamı itirmişəm. Heç bir efirdə bu açıqlamanı verməmişəm. Anam, atam tələbə olub, Bakıda evləniblər. Mən “Sovetski”də doğulmuşam. Yaş yarımıma qədər Bakıda, daha sonra Tovuzda böyümüşəm. Anam vəfat edəndə hamilə idi. 29 yaşında, bətnində bir körpə ilə evdə qaz sızması nəticəsində boğularaq dünyasını dəyişib. Atam da cavan olduğu üçün məni ona verməyiblər ki, ailə quracaqsan”.
Daha sonra Şəbnəm Tovuzlu onu övladlığa götürən ata-anasından söz açıb: “Anamın xalası ilə həyat yoldaşı məni övladlığa götürüb. Onlar mən anadan olmamışdan 15 il əvvəl ailə qurub, lakin övladları olmayıb”.
Sonda müğənni doğma atasının ikinci nikahından danışıb: “Əslində, mənim atam biləsuvarlıdır. Onun ikinci evliliyindən 3 bacım, 2 qardaşım var”.
A.S.
www.oxu.az