Sənubər İsgəndərlidən həmkarına: Mənə olan sevgini qəbiristanlıqda basdırdım – FOTO + VİDEO
Sənubər İsgəndərlidən həmkarına: Mənə olan sevgini qəbiristanlıqda basdırdım – FOTO + VİDEO
Əməkdar artist Əjdər Həmidov ARB TV-nin “Gəlin danışaq” proqramının qonağı olub.
Oxu.Az xəbər verir ki, verilişin gedişatında Ə.Həmidovla Xalq artisti Sənubər İsgəndərlinin rol aldığı “Kişi sözü” filmindən qəbiristanlıqda çəkilən səhnə yayımlanıb.
“Filmdə Əjdərlə ikimizin debütü olub, eyni həyəcanı keçirirdik. Film, kamera nə idi bilmirdik. O vaxtdan başlayan dostluğumuzun üzərindən artıq 30 il keçib. Heç vaxt şöhrət onun başını gicəlləndirməyib. Əjdər, mənə olan sevgini qəbiristanlıqda basdırdım. Amma o “Qasımçik” idi. Sənə xəstəlik yaraşmır. Heç vaxt xəstələnmə”,-deyə Sənubər İsgəndərli proqramda yaylmlanan süjetdə bildirib.
“Mən eşidəndə ki, tərəf müqabilim Sənubər xanım olacaq, çox sevindim. Rejissor Cahangir Mehdiyev mənə dedi ki, hələ sevinməyin azdır. Mən istəyirəm ki, sən Sənubəri sevəsən. Mən də dedim ki, sevmək sifarişlə deyil ki, gərək hisslərin olsun. Dedi ki, yox, bacar sev. Yoxsa alınmayacaq. Amma alındı. Sevgimiz filmin sonunda bitdi. 3 aylıq sevgi idi”,-deyə Əjdər Həmidov həmkarının sözlərinə əlavə edib.
Aytən Sadıqzadə
www.oxu.az