Samiraldo onu tənqid edənlərə cavab verdi – VİDEO

Tanınmış stilist Samiraldo (Samir Əliyev) sosial şəbəkədə onu tənqid edənlərə videomüraciət ünvanlayıb. 

Oxu.Az xəbər verir ki, o, barəsində gəzən söz-söhbətlərə görə əsəbiləşdiyini deyib.

“Mənə hörmət edən insanlar var, mənimlə şəkil çəkdirir. Bəyənmirsiniz, özünüz bilərsiniz. Amma kimisə məcbur edə bilməzsiniz ki, mənimlə şəkil çəkdirməsin. Siz kimsiniz axı?! Siz məni böyütmüsünüz? Mən acından öləndə gəlib mənə çörək vermisiniz?! Mənə ağıl öyrətməyin. Mən öz yolumdayam. Mən Allahın ən sevimli bəndəsiyəm. Sizə də bunu arzulayıram. Allah mənim yolumu necə açıbsa, sizin də yolunuzu elə açsın.

Siz də mənim kimi, xəstə insanları ziyarət edin. Amma bunu etmirsiniz, onun əvəzinə küçədə kiminsə ana-bacısına söz atırsınız. Tüpürüm sənin qanacağına, qeyrətinə! Sən mənim qeyrət, namusumdan danışırsan. Get, özünə bax”, - deyə Samiraldo sözlərinə əlavə edib.

A.S.
www.oxu.az