Xalq artistinin xanımı: Dostları onunla görüşmək istəyir, amma özü imtina edir

“Xeyriyyəçi Hacı Nuranın aparıcılıq etdiyi “Həyat” proqramı Rafiq müəllimin səhhəti ilə maraqlanmaq üçün çəkiliş etdi. Ötən gün proqramı seyr etdik. Rafiq müəllimi əziz tutan, unutmayan hər kəsə təşəkkür edirəm”. 

Oxu.Az-ın PrimeTime-a istinadən verdiyi xəbərə görə, bunu xalq artisti, tanınmış diktor Rafiq Hüseynlinin həyat yoldaşı Səbinə Hüseynli deyib.

Səbinə Hüseynli üç həftədən sonra Türkiyəyə yenidən gedəcəklərini bildirib: “Artıq üç həftə vaxtımız qalıb. Yenidən əməliyyata gedəcəyik. İnşallah, bu əməliyyatdan sonra Rafiq müəllimin səhhətinin nisbətən düzələcəyinə inanıram. Hazırda günün əksər hissəsini evdə olur. Çünki ayaqları zəifdir. Çox gəzə bilmir. Tez yorulur. Amma əhval-ruhiyyəsi yaxşıdır. Dostlar zəng edir, axtarır, hamı gəlib onunla görüşmək istəyir. Amma tez yorulduğuna görə özü imtina edir. Ümidimizi Allaha bağlamışıq. İnşallah, yaxşı olar”.

Z.Q.
www.oxu.az