Kompüter üçün “ən təhlükəli” britaniyalı musiqiçilər
Kompüter üçün “ən təhlükəli” britaniyalı musiqiçilər
“McAfee” antivirus proqramının təsisçi şirkəti iddia edib ki, hakerlər mahnılar vasitəsilə kompüterlərə virus göndərir. Şirkət, hakerlər tərəfindən mahnılarından ən çox istifadə edilən britaniyalı musiqiçilərin siyahısını tərtib edib.
Bu barədə Oxu.Az NME-yə istinadən xəbər verir.
Siyahının lideri 7 albomun müəllifi, 36 yaşlı Kreyq Devid olub. Qeyd olunub ki, bu musiqiçinin adı, istifadəçiləri təhlükəli saytlara yönəltmək üçün hakerlər tərəfindən daha çox istifadə olunur.
İkinci pillədə R&B ifaçısı Emeli Sande, üçüncü yerdə isə “One Direction” qrupunun üzvü Liam Peyn qərarlaşıb. İlk onluqda Adel, Ed Şiran, Cessi Cey, Rita Ora, Charli XCX və Lili Allen yer alıb.
Siyahını “One Direction” qrupunun keçmiş üzvü Zeyn Malik tamamlayıb.
E.C.
www.oxu.az