Əməkdar artistin oğlu həyat yoldaşını evdən qovdu

“Məni döyür, saçımı yolurdu”.

Əməkdar artist Vahid Əliyevin oğlu Ramin həyat yoldaşını evindən qovub. 

Oxu.Az xəbər verir ki, axşam.az-ın məlumatına görə, bu haqda aktyorun gəlini Könül “Öz aramızda” verilişində deyib. 

O, əri tərəfindən döyüldüyünü və əşyalarının küçəyə atıldığını bildirib. Könül keçmiş ailəsi haqda bunları söyləyib: 

“Məni döyür, saçım yolurdu. Məcburi aparıb, nikahı da pozdurdu. Buna baxmayaraq, evimə gedib gözlədim. Ayrılmadım ki, bəlkə barışarıq, düzələr. Əşyalarımı küçəyə tökdü. Mənə nə üçün belə etdiyini desin. Məni ona zorla ərə verməyiblər, özü istəyib alıb. Mən qayınatamdan şikayətçi deyiləm. Bunları mənə oğlu edib”. 

Qeyd edək ki, Ramin Əliyev Rus Dram Teatrının aktyorudur.

www.oxu.az