Emma: “Toylara yox deyək” axmaq aksiyadır - VİDEO
Emma: “Toylara yox deyək” axmaq aksiyadır - VİDEO
Qalmaqal düşdü.
ANS-in efirində “Toylara yox deyək” aksiyası ilə bağlı mübahisə yaşanıb.
Oxu.Az xəbər verir ki, son günlər başladılan həmin aksiya ilə bağlı Kamran Həsənlinin aparıcısı olduğu “Günəbaxan” verilişinə müğənnilər və yazarlar dəvət edilib. Veriliş zamanı K.Həsənlinin toylarla bağlı qaldırdığı məsələ qalmaqal yaradıb.
Müğənni Elmira Ələkbərzadə isə sosial şəbəkədə “Azərbaycanda başlayan bu nə axmaq aksiyadır? Azərbaycanda toylara yox deyək!!! Bunların başı çatır, ya yox? Hansısa məntiqsiz məqaləyə görə, aləm bir-birinə dəyib. “Norveçdə və ya başqa yerlərdə toy olmur” ifadəsi məni güldürdü. Oyanın, ay balam. Belə gülünc, məntiqsiz məqalə yazmaqla özünüzü alçaltmayın. Kimsə kreditə pul götürüb bahalı yerdə toy edib müflis olur? Kredit götürməsin, canı çıxsın münasib yerdə toy etsin. Bir şeylə razıyam ki, toylarda masalar yeməkdən partlayır. Həqiqətən yeməkləri azaltmaq lazımdır. Yoxsa “Toylara yox deyək” nədir? Vallah bunlar xəstədirlər”,- deyə mövzuya münasibət bildirib.