Lalə Məmmədova: İki əkiz qardaşım rəhmətə gedib
Lalə Məmmədova: İki əkiz qardaşım rəhmətə gedib
“Əli, ayağı olan övladını ana doğratdırır, Allaha qarşı çıxır”.
İkinci qız uşağı olanlara 10 min manat depozit hesabının açılması və vəsaitin həmin hesaba hissə-hissə köçürülməsi məsələsi bu gün “Gün üzü”nün müzakirə mövzusu olub.
Oxu.Az ATV.az-a istinadla məlumat verir ki, iki qız anası olan ifaçı Lalə Məmmədova övladları barədə danışıb:
“Neçə vaxtlardı bu söhbət gedir. Hər sahədə inkişaf getsə də, içimizdəki cahillik qalıb. Necə olur ki, əli, ayağı olan övladını ana doğratdırır, Allaha qarşı çıxır. Bu çox ayıbdır. Mənim üçün o 10 min manat söhbəti var deyim ki, mənim övladımın qiyməti yoxdur. "UZİ"də övladımın balaca barmaqlarını görüb, onu artıq sevirdim. Heç bilmirdim o qızdı, ya oğlandı. Bunun nə fərqi var ki?! Övlad övladdır”.
Beş bacısı olan ifaçı rəhmətə gedən qardaşları barədə də danışıb:
“O vaxtlar elm, texnika bu qədər inkişaf etməmişdi. Heç valideynlərim bilməyib ki, qızları ya oğlanları olacaq. İki əkiz qardaşım rəhmətə gedib. Anadan olublar, bir neçə gün keçib, sonra rəhmətə gediblər”.