Mətanət canlı efirdə göz yaşı tökdü: Mənə qarğış edirlər - VİDEO

“Saytlar dünən məni təhqir etdilər”.

Dünən efirdən sonra saytlarda müzakirə obyektinə çevrilən aparıcı Mətanət Əliverdiyeva bu gün “Gün üzü”nün qonağı olub.

Oxu.Az xəbər verir ki, aparıcı olanlara gözyaşları içərisində açıqlama verib:

“Kiminsə alqışı ilə dünyaya gəlməmişəm ki, kiminsə qarğışı ilə dünyadan gedim. Mənim də balam var. Həmin gün evə gəlib balamı qucaqlayıb ağladım. Saytlar dünən məni təhqir etdilər. Kimlərsə mənim verilişim vasitəsilə şou etdi. Mənə, körpə uşağıma qarğış edirlər”.  

Qeyd edək ki, aparıcı Mətanət Əliverdiyevanın dünənki proqramda çıxışı sosial şəbəkələrin müzakirə mövzusuna çevrilib:

“Biz o faciəni lap belə faciə etməməliyik. Oldu, elə bil bir külək idi, bir şey idi, bir film idi baxdıq, getdi”.