11 
Yan
2017
19:27
218
45
1783
Virtual karabakh

Azərbaycanda xəstələrin də hüquqları müdafiə olunacaq

“Azərbaycanda “Pasiyentlərin hüquqlarının qorunması haqqında” yeni qanun layihəsi hazırlana bilər”.

Oxu.Az xəbər verir ki, bunu Trend-ə Milli Məclisin Səhiyyə Komitəsinin üzvü Musa Quliyev deyib.

M.Quliyev bildirib ki, icbari tibbi sığortanın tətbiqinə artıq start verilib: 

“Pasiyentlərin hüquqlarının qorunması haqqında” qanun da icbari tibbi sığorta ilə sıx bağlı olacaq bir qanundur. Hesab edirəm ki, biz komitə olaraq yaz sessiyasında bunun da üzərində işlərə başlaya bilərik”.

Millət vəkili əlavə edib ki, “Psixoloji yardım haqqında” qanun layihəsi artıq bütün müvafiq qurumlarla razılaşdırılıb:

“Reproduktiv sağlamlığın qorunması haqqında” qanun layihəsi ilə bağlı məsələlər də həllini tapıb. Hər iki qanun layihəsi bu il Milli Məclisin plenar iclaslarında müzakirəyə çıxarıla bilər”.

E.Ə.
www.oxu.az

Digər Cəmiyyət xəbərləri