Uşaqlar mətbuat və sosial şəbəkələrdə yayılan ziyanlı informasiyalardan qorunacaq

Azərbaycanda uşaqların sağlamlığına və inkişafına ziyan vuran informasiyalara qarşı mübarizə ilə bağlı xüsusi qanun layihəsi hazırlanıb.

Oxu.Az xəbər verir ki, Milli Məclisdən APA-ya verilən məlumata görə, bu, “Uşaqların sağlamlığına və inkişafına ziyan vuran informasiyalardan qorunması haqqında” qanun layihədir.

Layihə Milli Məclisin 2017-ci il yaz sessiyasında iş planına daxil edilib. Sənəddə mətbuatda və sosial şəbəkələrdə bu tip informasiyaların yayılmasına qarşı bir sıra tədbirlər əksini tapıb.

U.A.
www.oxu.az