Marketlərdə vaxtı ötmüş məhsullar satılır – VİDEO
Marketlərdə vaxtı ötmüş məhsullar satılır – VİDEO
Mağazadan şirniyyat alan paytaxt sakini xoşagəlməz hadisə ilə üzləşib. Məlum olub ki, məhsulun üzərinə əlavə etiket yapışdırılıb və bu üsulla son istifadə tarixi dəyişdirilib.
Oxu.Az Xezerxeber.az-a istinadən məlumat verir ki, məhsulun son istifadə tarixi 17 aprel 2017-ci il göstərilib. Ancaq həmin etiketi qopardanda son istifadə tarixinin 14 aprel olduğu görünür.
Məsələ ilə bağlı İqtisadiyyat Nazirliyindən bildirilib ki, istehlakçılar qarşılaşdıqları belə xoşagəlməz hallarla bağlı nazirliyin 195-2 çağrı mərkəzinə və Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət etsinlər. Müraciət araşdırılacaq və fakt təsdiqini taparsa, qayda pozanlar cəzalandırılacaq.
Mövzu ilə bağlı daha ətraflı videomaterialı təqdim edirik:
İ.N