Bakıda əksər yollarda yolgöstərici xətləri yenidən rənglənir

Bakıda avtonəqliyyat vasitələrinin hərəkətinin tənzimlənməsi məqsədilə piyada keçidlərinin, yolcizgi və yolgöstərici xətlərin yenidən rənglənməsi işləri ilə əlaqədar olaraq Yasamal rayonu Salamzadə küçəsində müvafiq işlər aparılır.

“Azəravtoyol” ASC-dən Oxu.Az-a daxil olan məlumata görə, rənglənmə işləri axşam saatlarınadək yekunlaşdırılacaq.

“Analoji işlər bu axşam saat 22:00-dan etibarən Yasamal rayonu Tbilisi və İnşaatçılar prospektlərində də aparılacaq. Burada işlər səhər saatlarınadək yekunlaşdırılacaq. "Azəravtoyol" sürücülərdən sözügedən ərazilərdə diqqətli olmalarını və sıxlığın yaranmaması üçün alternativ yollardan istifadə etməyi tövsiyə edir”, - deyə məlumatda qeyd edilib.

N.O.

www.oxu.az