Proqnozlar Bürosu: Azərbaycanda növbəti iki gün ərzində güclü külək olmayacaq
Proqnozlar Bürosu: Azərbaycanda növbəti iki gün ərzində güclü külək olmayacaq
“Azərbaycanda növbəti iki gün ərzində güclü külək əsməyəcək”.
Oxu.Az xəbər verir ki, bunu Report-a açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova deyib.
Onun sözlərinə görə, hazırda ölkə ərazisində sakit hava şəraiti müşahidə olunur: “Növbəti iki gün ərzində də hava şaraitində mühüm dəyişiklik gözlənilmir”.
G.Məmmədova qeyd edib ki, yaxın iki gün ərzində Azərbaycanda mülayim cənub-şərq küləklərinin üstünlüyü müşahidə olunacaq: “Artıq iki gündür ki, ölkə ərqazisində qeyri-sabit, küləkli hava şəraiti müşahidə olunur. Lakin bu gündən, yəni aprelin 26-dan etibarən hava şəraiti mülayimləşəcək. Növbəti iki gündə ölkə ərazisində hava şəraiti əsasən yağmursuz keçəcək”.
Z.Q.