Azərbaycanda diplomu tanınan universitetlərin adları açıqlandı – SİYAHI
Azərbaycanda diplomu tanınan universitetlərin adları açıqlandı – SİYAHI
Təhsil Nazirliyinin Nostrifikasiya (Xarici diplomların tanınması və ekvivalentliyinin müəyyən edilməsi) İdarəsi diplomları Azərbaycanda tanınan universitetlərin siyahısını açıqlayıb.
Oxu.Az Qaynarinfo-ya istinadən xəbər verir ki, siyahıda 34 ölkənin 600 universitetinin adı yer alıb.
Siyahıya Almaniya universitetləri liderlik edir. Bu ölkənin 115 ali məktəbinin diplomu Azərbaycanda tanınacaq. Sayına görə ikinci yerdə ABŞ universitetləridir -71. İlk üçlüyü Rusiya ali məktəbləri tamamlayır. Bu ölkənin 58 universitetinin diplomunu Təhsil Nazirliyi tanıyacaq.
Azərbaycanlıların ən çox axın etdiyi Türkiyənin isə cəmi 13 universitetinin diplomu ölkədə tanınır. Diplomu tanınacaq Kanada universitetlərinin sayı isə 18-dir. Siyahıda Macarıstanın isə cəmi 1 universitetinin adı var.
Diplomları Azərbaycanda tanınan universitetlərin tam siyahısı ilə bu linkdən tanış ola bilərsiniz.
A.M.