Bakı Metrosu Tarkana görə iş vaxtını dəyişdi

Bakıda keçirilən Formula-1 oyunlarının açılış mərasimi münasibətilə Bakı metropolitenin üç stansiyası gecə saat 2:00-a kimi işləyəcək. 

Oxu.Az-ın məlumatına görə, “Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, tamaşaçıların rahatlığını təmin etmək məqsədilə 28 May, Sahil və İçərişəhər metro stansiyaları gecə saat ikiyə (02:00) kimi, digər stansiyalar isə adi qrafiklə, yəni saat 00:00-dək işləyəcək. 

Qeyd edək ki, bu gün məşhur türkiyəli müğənni Tarkan Formula-1 Azərbaycan Qran-Prisinin açılış mərasimində konsert verəcək. 

Z.Q.
www.oxu.az