Azərbaycan “Russneft”dən neft hasilatını azaltmağı istəməyib

Azərbaycan və Qazaxıstan onların ərazisində “Russneft” və Qutseriyevlər ailəsinin digər neft hasil edən şirkətlərindən neft hasilatını azaltmağı istəməyib.

Oxu.Az RİA Novosti-yə istinadən xəbər verir ki, bunu jurnalistlərə “Russneft”in şəriki Mixail Qutseriyev deyib: “Xeyr, istəməyiblər. Oradakı həcmlər elə də böyük deyil. Əgər biz 700 min ton çıxarırıqsa, bu, ildə 60 milyon ton hasilatı olan Qazaxıstan və Azərbaycan üçün gülməlidir. Bu, bizim üçün çoxdur, lakin onların bazarı üçün heç bir rol oynamırıq”.

O xatırladıb ki, şirkət aşağı rentabelli quyularda hasilatı azaldaraq onu yüksək rentabelli hasilatla əvəzləyir.

L.Ə.

www.oxu.az