Qazaxıstanın hərbi gəmiləri Azərbaycana yan aldı – VİDEO+FOTO

Hərbi-dəniz donanmasının qaydalarına görə, Qazaxıstan respublikasının Hərbi-dəniz qüvvələrinin gəmiləri təntənəli şəkildə Azərbaycan Respublikasının bazasının yerləşdiyi Puta limanına yan alıb. 

Oxu.Az haqqin.az-a istinadən xəbər verir ki, bu barədə “Delovoy Qazaxstan” (“İşgüzar Qazaxıstan”) nəşri məlumat yayıb. 

“Sarıarka” raket-artilleriya gəmisi və “Qazaxıstan” raket-artilleriya gəmisi Azərbaycan ərazisində keçiriləcək ArMİ-2017 çərçivəsində gəmi heyətləri arasında beynəlxalq “Dəniz kuboku-2017” müsabiqəsində iştirak edəcək. “Dəniz kuboku” cari ilin avqust ayının 1-dən 11-nə qədər davam edəcək. 

S.S.
www.oxu.az