Azərbaycanda qeyri-adi toy – VİDEO + YENİLƏNİB

Ötən gün şanlı aprel döyüşlərinin iştirakçısı olan zabitimizin maraqlı bir toyu olub. Belə ki, silahlı qüvvələrin zabiti öz toyunda hərbi geyimdə olub. Gəlinin buna cavab jesti də elə bir o qədər maraqlı alınıb. Elə bu iki kreativ ideyanın tarixçəsi də bir o qədər diqqət çəkir.

Oxu.Az xəzərxəbər-ə istinadən məlumat verir ki, ənənəvi vağzalı havası əvəzinə əsgər marşı çalınır. 

Bəylə gələni bu sədalar altında zala daxil olur və bu qonqların alqışları altında baş verir. Ardından isə dövlət himni səsləndirilir. Bütün bunla silahlı qüvvələrin zabiti Səxavət Allahverdiyevin toy mərasimində baş verib.

Toya hərbi geyimdə gələn bəy və gəlini bütün zal ayaq üstə alqışlayıb.

Gəlinin xalası Mahirə Əsədova deyir ki, öz toyunda hərbi formada iştirak etmək bəyin ən böyük arzusu olub. Buna qarşılıq olaraq gəlin də, ağ gəlinlik yerinə hərbi kamuflyajlı parçadan hazırlanmış gəlinlik geyib.

Toyda iştirak edən qonaqların əksəriyyəti də hərbiçi və qazilərimiz olub. Hətta bir çoxu qürur və fəxarətdən doğan göz yaşlarını saxlaya bilməyib.

Səxavət Allahverdiyev şanlı aprel döyüşlərində də şücaətlə vuruşub. Hazırda o vətən torpaqlarının keşiyində öz xidmət postundadır.

Sosial şəbəkələrdə də toyda bəy və gəlinin qeyri-adi geyimi böyük maraqla qarşılanıb. İnsanların reaksiyası və onların bu vətənpərvər addımına verilən qiymət isə gənc ailə üçün iki qat sevinc olub.

18.08.2017 21:57

Sosial şəbəkələrdə Azərbaycanda toyda bəy və gəlinin qeyri-adi geyimi müsbət qarşılanıb.

Oxu.Az-ın xəbərinə görə, fotonu Azərbaycan Atatürk Mərkəzinin İctimai-Siyasi Şöbəsinin müdiri Əkbər Qoşalı öz Facebook hesabında paylaşıb.

Fotoya şərhdə qeyd edilir ki, nikah masasına Silahlı Qüvvələrin zabiti Səbuhi bəy və onun xanımı Fidan əyləşiblər.

Toy günü bəy zabit formasında, gəlin isə “hərbi geyimin rəngi”ndə olan gəlinlikdə olublar.

S.B.
www.oxu.az