Bakıda restoran sahibindən qeyri-adi addım: Müştərilərin hesabını öz cibindən ödədi - VİDEO

Bakıda restoranlardan birinin sahibi qeyri-adi addım atıb. O, futbol üzrə milli komandamızın San Marino üzərindəki qalibiyyətinə görə həmin gün restoranda yeyib-içən bütün müştərilərin hesabını ödəməli olub. 

Oxu.Az Xəzərxəbər-ə istinadən məlumat verir ki, Azərbaycan-San Marino (5-1) futbol yığmalarının oyunu zamanı komandamızın vuracağı hər qola görə 20 faiz endirim edəcəyinə söz verən restoran sahibi nəticədə 100 faizlik endirim etməli olub və bu səbəbdən həmin vaxt restoranda olan heç bir azarkeş hesab ödəməyib.

Ümumilikdə 1000 manat xərcə düşən restoran sahibi Şaiq Qəribzadə deyir ki, o, bu addımı hər hansı kommersiya niyyəti ilə yox, futbol azarkeşi olduğu üçün atıb.

E.C.
www.oxu.az